विद्यार्थ्यांनी पुणे GPO येथे टपाल कार्यप्रणालीचा अभ्यास केला

पुणे: ऑल सेंट्स हायस्कूल, येथील इयत्ता पहिली, दुसरी, नववी आणि दहावी मधील विद्यार्थ्यांनी ४ ऑगस्ट रोजी शैक्षणिक भेटीचा भाग म्हणून जनरल पोस्ट ऑफिस (GPO), पुणे येथे भेट दिली. या भेटीदरम्यान विद्यार्थ्यांना टपाल विभागाच्या दैनंदिन कार्यप्रणालीची ओळख करून देण्यात आली. त्यांनी पत्रे व पार्सल यांची छाननी, शिक्कामोर्तब आणि वितरण प्रक्रिया प्रत्यक्ष पाहिली. तसेच स्पीड पोस्ट, रजिस्टर पोस्ट, मनी ऑर्डर आणि पोस्टल सेव्हिंग्ज योजना यांसारख्या महत्त्वाच्या सेवांची माहितीही त्यांना देण्यात आली. या भेटीमुळे विद्यार्थ्यांना भारत पोस्टची देशभरातील लोकांना जोडण्यात असलेली भूमिका समजली तसेच टपाल सेवांमध्ये तंत्रज्ञानाच्या वापरामुळे झालेली सुधारणा याचीही जाणीव झाली. ही शैक्षणिक सहल वर्गाबाहेरील एक समृद्ध आणि ज्ञानवर्धक अनुभव ठरली. सदर भेटीदरम्यान पोस्ट मास्तर श्री. अमेय निमसुडकर आणि त्यांचे सहकारी श्री कुलकर्णी यांनी विशेष मार्गदर्शन केले. सदर उपक्रमाचे ऑल सेंट्स हायस्कुल च्या मुख्याध्यापिका डॉ. मिसेस जेस्सी जयसिंग व उपमुख्याध्यापिका श्रीमती मरियम्मा बॉबी यांनी कौतुक केले व या भेटीसाठी संबंधित वर्गाच्या शिक्षकांनी विशेष परिश्रम घेतले.