२३ जानेवारी २०२६: यावर्षी प्रजासत्ताक दिनाची सुट्टी सोमवारी येत असल्याने, भारतातील प्रवासी या लाँग वीकेंडचा पुरेपूर फायदा घेत असल्याचे दिसून येत आहे. मेकमायट्रिपच्या माहितीनुसार, यामुळे अल्पकालीन फुरसतीच्या सहलींमध्ये लक्षणीय वाढ नोंदवली जात आहे.
प्रवासी प्रामुख्याने जवळच्या आणि उत्तम कनेक्टिव्हिटी असलेल्या ठिकाणांना पसंती देत आहेत. गोवा हे भारतातील सर्वात लोकप्रिय पर्यटनस्थळ म्हणून कायम असून, त्यानंतर उदयपूर, जयपूर, मनाली आणि पाँडिचेरीचा क्रमांक लागतो. याशिवाय, पुरी, वाराणसी आणि अमृतसरसारख्या आध्यात्मिक स्थळांनाही प्रवाशांकडून मोठी मागणी पाहायला मिळत आहे.
आंतरराष्ट्रीय प्रवासाच्या बाबतीत, सोप्या व्हिसा सुविधा आणि थेट कनेक्टिव्हिटी असलेल्या ठिकाणांकडे प्रवाशांचा कल वाढताना दिसत आहे. थायलंड या यादीत आघाडीवर असून, व्हिएतनामची लोकप्रियता झपाट्याने वाढत आहे. त्यानंतर युएई, मलेशिया आणि सिंगापूरचा क्रमांक लागतो.
“प्रजासत्ताक दिनाचा लाँग वीकेंड प्रवासासाठी एक उत्तम संधी घेऊन आला आहे. प्रत्येक महानगरातून होणाऱ्या प्रमुख प्रवास निवडींमध्ये जवळच्या ठिकाणांना दिलेले प्राधान्य स्पष्टपणे दिसून येते. तरीही, गोवा हे भारतातील सर्वात आवडते पर्यटनस्थळ राहिले आहे. आंतरराष्ट्रीय प्रवासाच्या बाबतीत, सोप्या व्हिसा सुविधा असलेली ठिकाणे अधिक आकर्षक ठरत आहेत. अनेक शहरांमधून थेट कनेक्टिव्हिटी असलेले देश सध्या मागणीत आघाडीवर असून, त्यामध्ये थायलंड सर्वात पुढे आहे, तर व्हिएतनामलाही उत्तम प्रतिसाद मिळत आहे,” — राजेश मगो, सह-संस्थापक आणि ग्रुप सीईओ, मेकमायट्रिप
